Әуежай анықтамалық бюросының хабарлауынша, 12 рейс — тоғыз ішкі, үш халықаралық рейс кейінге қалдырылған. Сонымен 20 қарашаға қараған түні Астана, Тараз, Павлодар, Жезқазғаннан ұшатын рейстер кейінге шегерілді.
Сондай-ақ Алматы-Мәскеу, Алматы-Хошимин, Алматы-Ыстамбұл халықаралық рейстері тоқтатылып, Үрімжіден рейс кейінге қалдырылды.
Алматыда 20 қарашаға қараған түні қалың тұман түсіп, ауа температурасы +6 +8-ді құрады.