Алматыда тағы да тасқын болуы мүмкін

Селдің қаупі сейілген жоқ! Алматыда тағы да тасқын болуы мүмкін деп төтенше жағдайлар департаменті дабыл қақты. Аптап ыстықтың қайтатын түрі жоқ. Соның кесірінен таудағы мұздықтардың еруі тоқтамаған. Сондықтан бүгіннен бастап тамыздың 7-сіне дейін құтқарушылар сақ болуды ескертіп отыр. Тау шатқалдары мен өзен жағасына жақын тұрғындар қырағылық танытып, қатер туған жағдайда тез арада қауіпсіз жерге кетуі қажет.