Алматыда тұман салдарынан 40 әуе рейсі кейінге шегерілді

Алматы халықаралық әуежайының анықтама қызметінің ақпаратынша, Астана, Қостанай, Қызылорда, Қарағанды, Ақтөбе және Өскемен қалаларына бағыт алатын ішкі рейстер уақытша тоқтатылды.

Сондай-ақ Баку, Амстердам, Бангкок, Дели, Франкфурт, Лондон, Ыстамбұл, Сеул және Үрімшіден ұшып келуге тиіс барлығы 9 рейс кейінге шегерілді.

Алматыда 24 желтоқсанда ауа райы құбылмалы, жауын-шашынсыз, ауа температурасы — 4 градус аяз.