Алматыда жолдың астындағы жылу трассасы жарылды, бір адам зардап шекті

Алматыда сейсенбіде Райымбек даңғылында Наурызбай батыр көшесінің қиылысында жылу трассасы жарылған.


“Магистральды жылу трассасы жарылды, ондағы құбырдың диаметрі 800 миллиметр.Бұл жылу магистралі пайдалануға 1980-ші жылдары берілген, әрине, ол тозған, өйткені 25 жылға есептелген”, деді  мемлекеттік "Холдинг Алматы жылу" коммуналды кәсіпорынның баспасөз хатшысы Ян Гирин.
Алдын-ала деректерге қарағанда, зардап шеккен бір адам бар.
Я.Гириннің айтуынша, оған белгіленген тәртіпте өтемақы төленетін болады.
Апат салдарын 12 сағаттың ішінде реттеу көзделген, деді ол.
Сонымен қатар,әлеуметтік желіге берілген суреттерге қарағанда, ол жерге шұңқырға екі жеңіл көлік түсіп кеткен сыңайлы.