Сотталушылар: өлтірілген баланың өгей шешесі Шәрипа Ақбердиева, оның балалары — Темір мен Айдана, Темірдің өгей ағасы — Кәдіржан Гүләмов. сонымен бірге Руслан Мүтәлиев. Өлтірілген оқушының анасы мен әжесі соттың жабық түрде өтуіне қарсы екендіктерін мәлімдеді. "Қылмыскерлерді соттау жабық түрде өтпеуі тиіс деп санаймын. Бұған қарсымын. Ашық түрде болсын. Бүкіл Қазақстан білсін", — деді Өркен Азаматұлының әжесі. Судья Берікжан Байжүнісов соттың ашық түрде өтетінін мәлімдеді. Басты сот талқылауы 15 мамырға белгіленіп, Қарасай аудандық сотының ғимаратында өтетін болды.