Баспасөз қызметінің ақпаратына сүйенсек, тараптар темір жол көлігі мен энергетиканы дамыту салаларындағы ынтымақтастық туралы бірқатар мәселені талқылады. «Атап айтқанда, «Альстом» компаниясының қазақстандық электр локомотив жөндейтін зауыттың базасында электрлі жылжымалы құрамның жаңа өндірісі және жаңғырту жобаларына қатысу перспективасы талқыланды», — деп атап көрсетілген баспасөз баянында.
П. Крон жылдамдығы жоғары «Пендолино» пойызын Қазақстан теміржолында пайдалануға компанияның қызығушылық танытып отырғанын жеткізді. Сондай-ақ компания жылжымалы құрам мен жабдықтарды жеткізу, трамвай желісін салу мен пайдалануды қамтитын жаңа көлік жүйесін Астана қаласына енгізу жобасын іске асыруда ынтымақтастыққа шақырып отыр», — деп хабарлайды үкіметтің баспасөз қызметі.
Бұдан басқа, Балқаш ЖЭС үшін тұрбалар, генераторлар мен қосымша жабдықтар тасымалдаудағы ынтымақтастық перспективасы талқыланды. Баспасөз қызметі хабарландырғандай, компания сондай-ақ ірі қазақстандық электр станциялары үшін жабдықтар жеткізуге қатыспақ ниетінде.
«Біз кейбір жобаларды іске асыруды ғана емес, сондай-ақ ұзақ мерзімді стратегиялық ынтымақтастықты да мақсат етудеміз. Сондықтан технология жаңғырту және өндірісті құру мәселесі ынтымақтастықты дамыту үшін маңызы фактор болып табылады»,- деп сөзін қорытты Кәрім Мәсімов.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті