Ақмола облысында асыл тұқымды үш бас бұзауды ұрлаған күдікті ұсталды

Бұл туралы облыстық ІІД баспасөз қызметінен хабарлады.

Полицейлердің мәліметі бойынша, Ақкөл аудандық ІІБ кезекшілік бөліміне жергілікті ЖШС-нің бірінің директоры хабарласып, санақ кезінде 5-6 айлық үш бас ангус бұзауларының жетіспейтінін айтып шағымданған. Жалпы, шығын көлемі 900 мың теңгені құрады.

Осыған орай, құқық қорғау органдарының қызметкерлері жүргізген жедел-іздестіру шарасы барысында жергілікті, Ақкөл ауданының 1986 жылғы тұрғыны қолға түсіп, ұрланған малдың жүрген жері анықталды.

Қазіргі кезде, күдікті қылмысын мойындап, үстінен ҚР ҚК 188-бабының 1-бөлімі «Ұрлық» бойынша қылмыстық іс қозғалды.