Владимир Школьник, «Қазатомөнеркәсіп» ҰК басқарма төрағасы:
-Былтыр Қаржы полициясына өзіміз хабар бергенбіз. Мердігер құрылыс компаниясы біздің елшілес серіктестіктің тапсырысын орындаған жоқ. Ал ішкі тексеріспен айналысу біздің құзырымызға кірмейтін.
Осы аптада қаржы полицейлері «Қазатомөнеркәсіп» мекемесінің бір топ менеждері — басқарма директоры Валерий Шевелев пен «Қазамтомөнеркәсіп — Демеу» компаниясының директоры орынбасары Серік Әбдіразақовты, сондай-ақ «Сырдария жобалау құрылыс» құрылыс компаниясының басшысы Розмат Әлібековті қамауға алған болатын. Бұл қызметкерлер мектеп, аурухана құрылысы сияқты әлеуметтік нысандарға деп бөлінген 1,5 миллиард теңгені қалтаға басқан. Қылмыстық топқа Шевелевтің өзі жетекшілік еткен деген күдік бар. Ұлттық компанияның алдыңғы басшысы Мұхтар Жәкішев те ірі көлемде қаржы жымқырғаны үшін 14 жылға сотталған еді.