Жайнагүл Қожабекова, Тасөткел ауылының тұрғыны:
-Әкім ештеңе істеп отырған жоқ. Жолды ашпаса, ертеңдері боран болып тағы он шақты күн жатып қаламыз. Менің үйімде тамақ жоқ. Менің өзімнің шешем ауырып жатыр. Кеше жездем, апаларым жаяу кетті.
Қар басқан жолды аршуға жергілікті билік асығар емес. Тұрғындар аудан әкімдерінен бастап, құтқарушыларға дейін хабарластық дейді. Қазір Тасөткелдегі жалғыз дүкенде азық-түлік таусыла бастаған. Ал қатты науқастанып қалған тұрғынға дәрігерлер жете алмай отыр. Бұрын бұл ауылдардың жолын қиыршық тас шығаратын зауыт тазалап береді екен. Солардың көмегіне үйреніп қалған шенеуніктер биыл еш қамданбапты. Енді бірер күнде арнайы көлік жібереміз деп уәде етуде.