Ақтөбеде болған су тасқынынан 579 үй қирап қалды

Ақтөбе облысы төтенше жағдайлар бойынша департамент басшысы Буыржан Сыздықовтың айтуынша, 579 үйді су басып қалып, 1 174 жан көшірілді, 69 адам құтқарылды.

7 пункт бойынша 502 адам уақытша орналастырылды. Оның ішінде 159 бала бар. 672 адам туыстарының үйін паналаса, тағы 690 адам Елек өзені арқылы көшірілді.

«Су тасқынының салдарынан негізінен бау-бақшамен айналысатындар зардап шекті. Ақтөбедегі су тасқыны болу қаупі бар аймақтар қатарында Махамбет, Кірпіш көпірі, Қисық өзені, Заречный-2, «ТЭЦ-2», «Ақтөбетұрғынқұрылыс», «Эко», “Нововасюки”, “Медик-1”, “Госсветсеть”, ГМЗ, Райгаз аймақтары мен Жилянка және Келешек ауылдары бар. Сондай-ақ, аудан орталықтарында жұмыс жүргізілуде”, – деп атап өтті Сыздықов.