Арыс қаласынан 150 бала Каспий жағалауында тегін демалады

Сонымен қатар, «Алау» лагерінде 100 балаға жазғы демалыс ұйымдастырылады. Екі лагерь де Ақтаудағы Каспий жағалауында орналасқан.

Балалардың уақытын тиімді өткізіп, денсаулығын нығайтуды көздейтін «Алау» сауықтыру лагері 1987 жылы «Маңғыстаумұнайгаз» компаниясының және жұмысшылардың күшімен салынған. Осы 30 жылдың ішінде «Алауда» 30 мыңға жуық бала демалған. Мұнда балалар күніне 5 мезгіл тамақтанады. Олар Ақтау қаласының көрікті жерлерін, мұражай мен ботаникалық бақты аралап, кинотеатрларда, ойын-сауық аттракционында алаңсыз демалып, көңіл көтереді. 

Одан бөлек, бекіре фермасы, түйеқұс шаруашылығының жұмысын тамашалап, түрлі сала қызметкерлерімен кездесу ұйымдастырылады.