Жарияланды: 460

Астанада «Артем» СҮ маңындағы төбелеске қатысқандар сотталды

Астанада «Артем» СҮ маңындағы төбелеске қатысқандар сотталды

Астана қаласы Алматы аудандық №2 соты бұзақылық пен билік өкіліне көнбеушілік фактісі бойынша Д.Жолдасов пен Ш.Рахымовтың үстінен қозғалған қылмыстық істі қарады.  

«Сот 2015 жылы 16 маусымда айыпталушылардың «Артем» СҮ маңында қоғамдық тәртіпті бұзып, топтық төбелесті ұйымдастырғанын анықтады.  Сонымен қатар, олар  полиция қызметкерлеріне бағынбаған. Сотта айыпталушылар кінәларын мойындап, жасаған істеріне өкінетіндіктерін білдірді», - делінген хабарламада.

Сот үкімімен айыпталушылар ҚР ҚК 293 бабы 2 бөлімі 1 бөлімшесінде қарастырылған қылмысқа айыпты деп танылды. Сот 2 жыл 6 айға бостандығын шектеу және 60 сағатқа қоғамдық жұмыстарға тарту жазасын тағайындады.  

Сот үкімі заңды күшіне енген жоқ.

Пікір қалдырыңыз

Пікір қалдыру тіркелген пайдаланушылар ғана мүмкін