Жарыстарға комитеттердің, департаменттердің және дербес басқармалардың құрама 15 командасынан тұратын 395 қызметкер қатысты.
Жоғарғы дәрежелі спортсмен-полицейлердің Қазақстан Республикасының еңбек сіңірген спорт шебері, күш құрылымдары арасында 7 мәрте әлем чемпионы болған С.Нұрғалиевтің, самбо күресінен КСРО спорт шебері Ю.Василенко, үстел теннисінен республикалық және халықаралық жарыстардың жеңімпазы С.Стрельцовтың қатысуы іс-шараның жоғары деңгейде өткенін дәлелдейді.
Спартакиаданың қорытындысы бойынша командалық біріншілікте 1-ші орынды еншісіне спорттың 4 түрінен бірінші орынды иемденген Кадр жұмысы департаменті, 2-ші орынды Жедел-криминалистикалық департаменті алды, үшінші орын үшін Тергеу комитеті, Штаб және ІІМ-нің жедел бөлімшелері арасында тартысты күрес болды, нәтижесінде жеңіс Министрліктің арнайы бөлімшелері қызметкерлерінің еншісіне тиді.
2007 жылғы Спартакиада ағымдағы жылдың ақпан айынан қараша аралығында спорттың 8 түрі бойынша: шағын-футболдан, қоссайыстан (жатып сығымдаудан және штанганы тарту), жүзуден, волейболдан, жеңіл атлетикадан, Макаров тапаншасынан және Калашников автоматынан атудан, үстел теннисінен өтті.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті