Астанада халықаралық чемпионаты өтіп жатыр, бұл отандық робототехникадағы басты іс-шараның бірі. «Robotek» робототехника мектебі, «Дарын» республикалық ғылыми-практикалық орталығы және Нұрсұлтан Назарбаев Қоры ұйымдастырған чемпионат 2024 жылы 2-3 мамырда өтіп жатыр.
Чемпионатта Қазақстанның түкпір-түкпірінен және Өзбекстан, Тәжікстан мен Қырғызстаннан келген 300-ден астам оқушы, 114 команда бақ сынасады.
9 жастан 17 жасқа дейінгі бірнеше жас топ бойынша қатысушылар «Robotek», «Мерген», «Инверсиялық желі бойынша жарыс», «Ту жеткізу», «Робот — жеткізуші» және «Робот — сұрыптаушы» (әр санаттың регламенті – rgt.robotek.kz сайтында) сынды жеті түрлі санатта сайысады.
<<Robotek Grand Tournament» алаңында «TurkTime» жаһандық бағдарламасы аясында түркітілдес елдердің робототехника мектептері арасындағы ынтымақтастық туралы Меморандумға қол қойылады.
Әр санаттағы жеңімпаздар мен жүлдегерлерге бағалы сыйлықтар мен дипломдар табыс етіледі, сондай-ақ арнайы номинациялар («Үздік инженерлік шешім», «Үздік ауыл командасы», «Үздік шетелдік команда») бойынша жүлде дайындалады.
Чемпионат жүлдегерлерінің бірі Қазақстан-Британ техникалық университетінің Ақпараттық технологиялар және инженерия мектебінде оқуға грант алады.
Айта кетейік, «Robotek» елімізде және әлемде танымал, ЅТЕМ- білім беру және робототехника саласындағы ең табысты қазақстандық компаниялардың бірі. 2023 жылы қарашада Панамадағы World Robot Olympiad-те бірден екі қазақстандық команда жеңіс тұғырына көтерілді. Жалпы медальдық есепте «Robotek» арқасында Қазақстан ұлттық құрамасы бірінші рет екінші орынға ие болып, тек малайзиялық командаға есе жіберді.
