Жарияланды: 390

Астанада жыл басынан бері 163 қылмыстық іс қозғалды, оның 118-і - есірткі саудасы үшін

Астана. 19 тамыз. "Қазақстан Бүгін" - Астанада жыл басынан бері 163 қылмыстық іс қозғалды, оның 118-і - есірткі саудасы үшін қозғалған. Бұл туралы Астана қалалық ІІД-нің есірткі бизнесімен күрес басқармасы бастығының орынбасары

Нариман Әбілқасенов бүгін дәстүрлі апталық брифингте мәлім етті, деп хабарлайды агенттік тілшісі. "Астана аумағында есірткі сататын 37 орын жойылды. 102 килограмнан астам есірткілік заттар, соның ішінде 7 килограмм героин заңсыз айналымнан шығарылды", -деді Н. Әбілқасенов. Оның айтуынша, ҚР Әкімшілік құқық бұзушылықтар жөніндегі кодексінің 320- бабы бойынша әкімшілік жауапкершілікке тартылғандар саны артты. "Есірткілік заттарды сақтағаны үшін - 117 адам, соның ішінде кәмелеттік жасқа жетпеген 11 бала жауапкершілікке тартылды", - деді ІІД өкілі. Н. Әбілқасеновтың айтуынша, 2008 жылдың басынан бері "Рубеж" өткізу бекеттерінде Елордасына есірткі алып өтуге қатысты 54 дерек анықталған. "7 адам қылмыстық, 47 адам - әкімшілік жауапкершілікке тартылды. 18 килограмнан астам есірткілік заттар, соның ішінде 100 грамм героин заңсыз айналымнан шығарылды", - деді ол. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть