Нұрсұлтан Назарбаев, Қазақстан Республикасының Президенті:
— Өз тарихыңды білмесең, ешқандай Отанды сүю деген мүмкін емес. Отанды сүю деген әншейін әңгіме емес. Оны еңбегіңмен, іспен дәлелдеу керек.
Елордадағы №64-ші мектеп-лицейге кілең 11-ші сыныптың оқушылары жиналыпты. Кездесуге сақадай сай дайындалып келген олар елбасымен бірге патриоттық тақырыпта әңгіме қозғады, ал мемлекет басшысы өз кезегінде оқушыларды әлеуметтік желілерде көп отырмауға шақырды. Нағыз досты ғаламтор арқылы іздеудің қажеттілігі жоқ екенін ұғындырды. Компьютерге байланған баланың түбінде жалғыз қалатынын да айтты. Емен жарқын әңгімеден кейін оқушылар президентпен суретке түсіп, ал ұстаздар қауымы мемлекет басшысының қолынан сыйлық алып тарқасты.