«Chevrolet aveo» автомобилі Тұран көшесіндегі көпірден құлап кетті, деп жазады «ҚазАқпарат».
«3 шілде күні сағат 02.00-де «Chevrolet aveo» маркалы автомашинаның жүргізушісі рулге ие бола алмай Тұран көшесіндегі көпірден өзенге құлап кетті. Зардап шегушілер жоқ», — деп хабарлады Астана қалалық ІІД баспасөз қызметінің басшысы Софья Қылышбекова. Оның ақпараты бойынша, көлік арнайы техниканың көмегімен өзеннен шығарылған. «Жүргізушіге қатысты әкімшілік материал толтырылды», — деді Софья Қылышбекова.