Оның сөзiне қарағанда, мәселе Балхаш мемлекеттік аудандық электр стансасына қатысты.
В. Школьниктiң атап өткенiндей, үкiметте Канада, АҚШ, Қытай, Франция, Жапония, Оңтүстiк Корея сынды елдерден келген барлық үмiткерлермен талқылаулар жүргiзiлдi.
«Бiз көптеген жобаларды қарап шықтық және көп ұзамай үкiметке олардың сипаттамаларын көрсетiп, қандай стансаға тоқталуға болатынын баяндаймыз. Әлеуетi жоғары реакторлардың бiрi Toshiba Westinghouse компаниясының AP-1000 қондырғысы болып отыр. Бiз ол компанияның 10 пайыз акциясын иеленемiз. Стансаларды таңдау барысында бiз бұл нұсқаны егжей-тегжейлi қарайтын боламыз», — дедi ол.
Дегенмен, бұл мәлімдеме Toshiba компаниясының мiндеттi түрде таңдалып алынғанын білдірмейді. Себебi, өзге елдердегi компаниялардың ұсынған қауiпсiз әрi арзан жобалары да жетерлiк.