Самир, Ирактан келген босқын:
— Қазір көптеген отбасы контрабандашылардың ұсынысын қарастырып жатыр. Олар әуе, құрлық және теңіз арқылы алып өтеміз деп сендіреді. Македония, Сербия, Хорватия, Австрия, Словения елдері шекарасын жапқан. Италияға ғана жол ашық. Соңғы үш айда Италияға теңіз арқылы 20 мың мигрант келген. Мамандар мұны тек бастамасы деп отыр. Италияның құзырлы мекемелері алдағы уақытта Сицилия жағалауы босқындар келетін басты бағытқа айналады деп дабыл қағуда. Оларды қабылдайтын лагерьлер де адамға лық толған. Қазір бұл орталықтарда 110 мың адам тұрады. Ал сарапшылар жағдай осылай жалғаса берсе, Италияны жаппай күйреу күтіп тұр деген пікірді айтады.
Франческо Керубини, Г.Карли атындағы LUISS халықаралық және еуропалық ұйымдарды зерттеу ортылығының үйлестірушісі:
— Еуропа елдері өзара мәселені талқылап, тығырықтан шығатын шешімге келуі керек. Тым болмаса, талпыныс болса екен. Шенгенді жойдық деп әрқайсысы жеке-жеке болып кетті. Еуропалық одаққа мигранттардың басым бөлігі келетінін ескерсек, бұл мәселе барлығына бірдей өзекті. Бүгінде Бреннер асуына күніне 20-30 босқын келеді. Бұл көрсеткіш аз болып көрінгенімен, билік оның кез келген уақытта ұлғайып кетуінен қауіптенеді. Ал Австрия президенті Хайнц Фишер шекарада тікенек сым болмайды деп мәлімдеді.