Әзербайжан 2006-жылдың қаңтар-қараша айларында 2,5 млн. тоннадан астам мұнай өнімдерін экспорттады

БАКУ. 7-желтоқсан. Kazakhstan Today. Әзербайжанның мемлекеттік мұнай компаниясы 2006-жылдың қаңтар-қараша айларында 2 503, 857 мың тонна мұнай өнімдерін экспорттады. Бұл өткен жылғы осы мерзімдегі көрсеткіштен 25,2 процентке артық, деп хабарлайды компания.

Компанияның хабарлауынша, экспорт құрылымында дизель отыны 1280,38 мың тонна, авиакеросин — 203,881 мың тонна, автокөлік жанармайы — 311,468 мың тонна, алғашқы сатылы өңделген жанармай — 29,965 мың тонна, мазут — 870,421 мың тонна , майлар — 40,434 мың тонна, мұнай битумы — 16,664 мың тонна болды.