Әзербайжанға сапары қарсаңында Елбасы Ақтауда Қазақстанның тұңғыш танкері -"Астананы" күтіп алу шарасына қатысады

Елбасы Нұрсұлтан Назарбаев 23-мамырда жұмыс сапарымен Ақтауға барып, Қазақстанның тұңғыш танкері -"Астананы" салтанатты түрде күтіп алу шарасына қатысады. Бұл туралы KZ-today тілшісіне ҚР президентінің баспасөз қызметінен хабарлады.

Сапар барысында Н.Назарбаев өңір тұрғындарымен, шағын және орта бизнес өкілдерімен кездесіп, жаңа тұрғын үйлерді аралап, неке сарайының ашылу салтанатына қатысады.

24-мамырда Қазақстан президенті мемлекеттік сапармен Әзербайжанға барып, Баку-Тбилиси-Жейхан мұнай құбырына мұнай жіберу шарасына қатысады. 25-мамырда Сангачал терминалында өтетін бұл рәсімге Әзербайжан, Грузия, Түркия және Қазақстан президенттері қатысады.