Азық-түлік корпорациясы ішкі нарықта сату мақсатымен 1 млн. тонна астық қорын сақтауды көздеп отыр

Оның айтуынша, астықтың 1 тоннасы 125 долларға сатылған жағдайда бір бөлке нанның бағасы 27-28 теңгеден аспауы тиіс. Азық-түлік корпорациясы өкілінің мәліметіне сүйенсек, ішкі рынокта сатылатын астық мөлшері тепе-теңдікке тікелей байланысты болмақ. "Егер бұл ауқым жеткіліксіз болып, нан бағасы шұғыл қымбаттаса, онда үкімет шектеу шарасын қолданады",- деді А.Бейсембаев. Оның айтуынша, биыл астық сатып алу мақсатына бюджеттен 5,5 млрд. теңге бөлінген, бұған қосымша ретінде "Азық-түлік келісім-шарты корпорациясы" коммерциялық банктерден несие түрінде 200 млн. доллар алды." Азық-түлік корпорациясы биыл нан сатып алуға небәрі 40 млрд. теңге жұмсады",- деді ол. А.Бейсембаевтың айтуынша, қазір корпорация астықтың бір тоннасын 125 долларға сатып алып, оны өзіндік құнынан төмен емес бағаға сатуда.