Хруничев атындағы Мемлекеттік ғарыштық ғылыми-өндірістік орталығының мамандары мен «Байқоңыр» Федералдық ғарыш орталығының мамандары 22-желтоқсанда № 81 алаңның № 24 ұшыру қондырғысына орнатылған «Протон-М» зымыран тасығышын ұшыруға дайындаудың үшінші ұшырылым күнінің кестесіне сәйкес жұмыс жүргізуде.
Бүгінде зымыран тасығышына жанармай құю және зымырандарға жанармай құю имитациясын жүргізу жөніндегі дайындық жұмыстары жүргізілуде. Ұшыруға дайындау жұмыстары ертең де, 25-желтоқсанда өз жалғасын табатын болады.
«Протон-М» зымыран тасығышының көмегімен ресейлік «Глонасс-М» үш жер серігін ұшыру ағымдағы жылдың 26 желтоқсанында Астана уақытымен 1 сағат 32 минутқа (25-желтоқсанда Мәскеу уақытымен 22.32) межеленген.
Бұл Байқоңыр ғарыш айлағынан 2007 жылы ұшырылатын 20-шы, қорытынды ғарыш ұшырылымы болмақ.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті