Байқоңырда АҚШ-тың «АМС-14» жер серігін алып ұшатын «Протон-М» зымыран тасығышының дайындық жұмыстары басталып кетті. Ұшу уақыты 15-наурызға белгіленді.
М. Хруничев атындағы орталық мамандары ғарыш айлағына 13-ақпан күні жеткізілген «Протон-М» зымыран тасығышының бөліктерін вагондардан шығаруға кірісті.
15-ақпан күні ғарыш айлағына «АМС-14» жер серігі жеткізіледі деп күтіліп отыр. сондай-ақ, жақын уақыттарда Байқоңырға жер серігін орбитаға алып шығуға арналған «Бриз-М» үдеткіш блогы жеткізілмек.
«АМС-14» ғарыш аппаратын Lockheed Martin Commercial Space Systems компаниясы жасаған. Жер серігі Солтүстік Американың тұтынушыларын байланыспен қамтамасыз етпек. «АМС-14» 15 жыл пайдалануға арналған.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті