«Байқоңыр» Федералдық ғарыш орталығының баспасөз қызметінің ақпаратына сәйкес, ұшырылым белгіленген мерзімде- Астана уақытымен 4 сағат 43 минутта ұшырылған, алайда ұшырылымның 135 секундында зымыранның екінші саты қондырғысының қозғалтқышы апатты жағдайда өшіп қалған.
ҚР Төтенше жағдайлар министрлігінің ақпаратына сәйкес, «зымыран тасығыш Жезқазғаннан оңтүстік-батысқа қарай шамамен 40 шақырым жерге құлаған».
Қазір Байқоңырда апаттың себептерін зерттеу және зымыран тасығыш құлаған аумақты зерттеу жөніндегі комиссия құрылды, деп хабарлайды баспасөз қызметі.
Орталықтың хабарлауынша, бұл «Протонның» 1999-жылғы ұшырылымнан кейінгі алғашқы апаты, ол кезде Қарағанды облысына екі «Протон» құлаған.
Бұдан бұрын да хабарлағанымыздай, «Протон» зымыран тасығышы ғарыштық орбитаға Жапония мен Азия-Тынық мұхиты аймағында телекоммуникациялық қызметтер көрсететін JCSAT-11 ғарыштық аппаратын шығаруға тиіс еді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті