Бұл туралы БАҚ өкілдерінің қатысуымен өткен брифингіде ҚР ІІМ Әкімшілік полиция комитеті төрағасының міндетін атқарушы Қайсар Сұлтанбаев айтты, деп хабарлайды Қазақпарат.
«Биыл кәмелетке толмағандардың түнгі уақытта ойын-сауық орындарында немесе заңды өкілдерінің еріп жүруінсіз тұрғын үйден тыс жерде болғаны үшін 78 мыңнан астам ата-ана әкімшілік жауапқа тартылды. Жасөспірімдердің түнгі уақытта ойын-сауық орындарында болуына жол бергені үшін 1 600 кәсіпкер әкімшілік жазаға тартылды», — деді Қайсар Сұлтанбаев.
Брифинг барысында ол биыл балаларға қатысты жасалатын жыныстық қол сұғушылық қылмыстары 22,7%-ға азайғанын атап өтті. Қайсар Сұлтанбаевтың сөзінше, карантиндік шектеулерді алып тастау — бұл бағыттағы заңға қайшы әрекеттер санының төмендеуіне сеп болған.