Жарияланды: 500

"Бекіре-2003" операциясын өткізу барысында браконьерлер кесірінен шеккен шығын көлемі 14 миллион 899 мың 200 теңгені құрады

Су полициясы қызметкерлері мен балық қорғау инспекциясы тарапынан үстіміздегі жылдың екі айында Каспий теңізі бассейнінде "Бекіре-2003" операциясы жүзеге асырылды. Шараны өткізу барысында браконьерлер кесірінен шеккен шығын көлемі 14 миллион 899 мың 200 теңгені құраған. Бұл туралы KZ-today тілшісіне су полициясы басқармасынан хабарлады.

Операция барысында 5 тоннадан астам бекіре және ақбалық тәрізді құнды балық тұқымдары тәркіленді. Су полициясы құқық бүзушылыққа байланысты 14 оқиғаны әшкереледі. 10 іс бойынша қылмыстық іс қозғалып, олардың алтауы сотқа жіберілді. Қалғандары таяу уақытта сотқа жолданады деп күтілуде. Жалпы алғанда 2 айдың ішінде 28 дана балық аулау құралдары мен қайықтар, 2 мың метрге жуық ау , 3 мыңнан астам дана қармақ тәркіленді.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть