Бұл туралы lenta.ru сайты хабарлайды. Тесс «артық» қимылды он жасында доғарған екен. 50 жастағы британ тұрғынының сөзіне қарағанда, түрлі екпелер жасағаннан гөрі, жымиюды доғару бет терісінің қартаюының алдын алуда таптырмас тәсіл. Кристианның айтуынша, өзінің бұл ережесіне қызы дүниеге келгенде де берік қалыпты. Мұның бекер еместігін ол алғаш рет 40 жасында байқаған көрінеді. Себебі өзге қатарластарымен салыстырғанда, Тесстің бет терісі әлдеқайда жас көрінген. Кристианның жолдасы сүйіктісінің жымия алмайтынына үйреніп кеткенімен, есесіне достары бұл әйелге «Мона Лиза» деп ат қойыпты, деп жазады 24.kz.