Қазіргі таңда республика бойынша тас жолдарда 26 медициналық-құтқару пункті бар. Аталмыш пункттердің бригадалары 2013 жылы және 2014 жылдың бірінші тоқсанында 903 рет шығып, зардап шеккен 2 680 адамға көмек көрсетті, 776 адам ауруханаға жатқызылды. Ағымдағы жылы тағы 14 жол пункті салынады, деп хабарлады ҚР ТЖМ баспасөз қызметінен.
Сондай-ақ «Саламатты Қазақстан» мемлекеттік бағдарламасы аясында ТЖМ санитарлық авиациясын дамыту мақсатында 14 «ЕС-145» тікұшағы мен 2 «Ка-32» тікұшағы сатып алынды. Бұл республикадағы барлық облыс орталықтарын санитарлық авиациялық тікұшақтарымен қамтамасыз етуге мүмкіндік берді.
Тікұшақтар еліміздің әр облыс орталығында тәулік бойы кезекшілікте тұрады. Осы жылдың І тоқсанында олар 141 рет ұшып, 127 сырқатты тасымалдаған. 26 адам дәрігер кеңесіне жүгінсе, 12 шұғыл ота жасалған, деп хабарлайды strategy2050.