Биылғы жылдың бірінші жартысында еліміздің ІЖӨ-і 7,1% өсті

Биылғы жылдың бірінші жартысында Қазақстан экономикасы 7,1% артты, деп премьер-министр Кәрім Мәсімов мәлім етті.

«Статистика агенттігі бірінші жарты жылдықта ІЖӨ деңгейі 7,1% өсті деп хабарлады», - деді ол үкіметтің дүйсенбіде өткен селекторлық отырысында. Бұрын хабарлағанымыздай, 2010 жылы Қазақстанның ІЖӨ-і 2009 жылмен салыстырғанда 7 пайыз өсіп, 21 трлн 513,5 млрд теңгені құраған болатын. Биыл ІЖӨ өсімі 5% деңгейінде болуы тиіс.