БҚО-да 14,3 млрд. теңгенің құрылыс жұмыстары атқарылды

Облыстық статистика департаментінен хабарлағанындай, жыл басынан бері 466 жаңа ғимарат іске қосылды. Биылғы бес айда тұрғын үй құрылысына 2039,4 млн. теңге жұмсалды. 52931 шаршы метр тұрғын үй пайдалануға берілді. Бұл жөнінен Қазталов, Жәнібек, Жаңақала, Бөрлі, Тасқала, Қаратөбе, Сырым аудандары мен Орал қаласында алға басу бар. Жыл басынан бері екі білім беру нысаны ел игілігіне берілді.