Батыс Қазақстан облысының Мичурин ауылындағы орта мектепке жарылғыш зат қойылғаны туралы ақпаратқа байланысты ұстаздар мен оқушылар және мектеп қызметкерлері дереу қауіпсіз аумаққа көшірілді. Құзырлы орган өкілдерінің хабарлауынша, ақпарат күндізгі сағат 11:30 шамасында келіп түскен. Төтенше жағдай орнына полиция қызметкерлері, кинолог жəне өзге де сала мамандарынан тұратын топ шұғыл жетті. Жедел жүргізілген тергеу барысында жалған қоңырау шалушы да ұсталды. Күдіктінің жасы 20-да, Мичурин ауылының тұрғыны екені анықталып отыр. Қазір тиісті орган қызметкерлері оқиғаның мəн-жайын анықтауға кірісті.