БҰҰ-ның бас хатшысы Өзбекстанда күш қолданудан бас тартуға шақырды

БҰҰ-ның бас хатшысы Кофи Аннан Өзбекстанда болған оқиғаларға өкініш білдіріп, қарсылас жақтарды күш қолданудан аулақ болуға шақырды. Бұл туралы БҰҰ-ның ресми сайтында жарияланған хабарламада атап көрсетілген,- деп хабарлайды KZ-today тілшісі.

Бас хатшы «Өзбекстанда соңғы тәуліктерде болып жатқан оқиғаларды үлкен алаңдаушылықпен қадағалап отыр және қарапайым азаматтар арасындағы құрбан болғандар туралы ақпаратты естігеніне өкінеді»,- делінген хабарламада.

Өз мәлімдемесінде К.Аннан Өзбекстандағы қиындықтарға душар болған барлық жақтарды халықаралық қайырымдылық құқық талаптарын сақтауға, аймақта жұмыс істейтін БҰҰ-ның босқындар ісі жөніндегі Бас комиссары миссиясымен жан-жақты ынтымақтасуға шақырды.