Жарияланды: 30

Денсаулық министрі өзіне вакцина салдырды

Денсаулық министрі өзіне вакцина салдырды

Биыл коронавирусқа байланысты тұмауға қарсы вакцинация екі апта бұрын басталып отыр. Мектеп оқушылары, жүкті әйелдер, созылмалы ауруы бар және 60 жастан асқандар екпені тегін алады.

Бұл туралы Caravan.kz медиа порталы Sputnik.kz-ке сілтеме жасап хабарлайды.

Денсаулық сақтау министрі Алексей Цой алғашқылардың бірі болып тұмауға қарсы вакцина салдырды.

"Мен тұмауға қарсы вакцинаны жыл сайын салуға тырысамын. Бір рет дәл осы вакцинация кезінде респераторлық ауруға шалдығып қалдым. Негізі, жыл сайын осы №6 емханада екпе алып отырамын. Өзімді ойдағыдай сезінемін. Ауырсақ та, ауру жеңіл өтеді. Оған қоса, барлық медицина қызметкері вакцина алуға міндетті", - деді Цой журналистерге берген сұхбатында.

Цой тұмауға қарсы вакцинаны жыл сайын салдыруға тырысатынын айтты

Министрдің айтуынша, биыл коронавирусқа байланысты тұмауға қарсы вакцинация екі апта бұрын басталып отыр. Мектеп оқушылары, жүкті әйелдер, созылмалы ауруы бар және 60 жастан асқандар екпені тегін алады. Қалған адамдар үшін вакцина ақылы болады. Оның бағасы - 2 500-4 000 теңге.

"Балаға алты айдан бастап вакцина салына береді. Бұл екпе қауіпсіз. Біз оның сапасы мен қауіпсіздігін тексеріп шықтық. Халықаралық ұйымдардың нұсқаулары да бар. Оған қоса, бұл вакцинаны бірінші рет қолданып жатқан жоқпыз. Бұған дейін де салынды", - деп атап көрсетті Цой.

Пікір қалдырыңыз

Пікір қалдыру тіркелген пайдаланушылар ғана мүмкін