Ел президентін соғыс ардагерлері, мәдениет пен өнер қайраткерлері, ғылыми қызметкерлер, «Отан» партиясының белсенділері мен мүшелері қарсы алды.
— Саяси жаңғыртулар процесінде мен «Отан» партиясына үлкен үміт артамын. Біз партияны жан-жақты нығайта береміз әрі «Отанның» қатарынан басқарушылар даярлайтын боламыз, — деді президент кездесуде сөйлеген сөзінде.
Мемлекет басшысы «Отанның» белсенділеріне стратегиялық мақсатқа қол жеткізу — Қазақстанның әлемдегі бәсекеге барынша қабілетті 50 елдің қатарына кіруі орайында бірқатар міндеттер жүктеді.