қоғамдық ұйымының өкілдері дәрі-дәрмектердің жетіспеушілігіне байланысты алаңдаушылықтарын білдірді.
«Біздің елімізде гемофилияға шалдыққан науқастар дәрі-дәрмектермен толық қамтамасыз етіледі. Алайда соңғы жылдары жағдай нашарап барады. Фармацевтика нарығына қанның ұйылуын қамтамасыз ететін жаңа препараттар енгізіліп жатыр. Бірақ олар Қазақстанда және ТМД басқа да елдерінде тәжірибеден өткізілмеген. Сонымен қатар бұл салада сапасы төмен препараттар пайда болып жатыр», — деді аталмыш қауымдастықтың президенті Тамара Рыбалова.
Оның айтуынша, 2014 жылы қыркүйекте «Фармацея» ЖШС бұған дейін 10 жыл бойы сатып алып келген «Окталайн» препаратының орнына «Grifols» компаниясы шығаратын тиісті препаратты сатып алады. Ал оны алты жасқа дейінгі балаларға қолдануға мүлдем болмайды екен.
«Ең сорақысы сол, Үндістанда шығарылатын препараттар тіркелген. Мысалы, «Геморель-А» препаратын 18 жасқа дейінгі науқастарға беруге болмайды. Тіпті оның нұсқаулығында егер 18 жасқа дейінгі науқастар бұл препаратты қабылдайтын болса, індетті ауруларға шалдығуы мүмкін екендігі көрсетілген», — деді Т.Рыбалова.
Оның айтуынша, бүгінгі таңда Педиатрия және балалар хирургиясы ғылыми-зерттеу институтында гемофилияның ең ауыр түрі — ингибиторлық түріне шалдыққан 28 бала тіркелген. Бұл ауру түрінің өсуіне гемостаз жүйесін диагностикалаудың жоқтығы себеп болып отыр. Ал оны әр үш ай сайын жасап тұру керек. Мұндай диагностика Алматы мен Астанада ғана жасалады екен.
«Бұқаралық ақпарат құралдары арқылы ҚР Денсаулық сақтау және әлеуметтік даму министрлігіне жүгінгіміз келеді. Қайғылы жағдайларды болдырмау үшін алты жасқа дейінгі балаларға арналған препараттарды сатып алу керек және болашақта ұсынымдар жасарда науқастардың препараттарға көндігу қабілетінің бар-жоғы ескерілуі қажет», — деді қауымдастық басшысы.
Сондай-ақ қауымдастық мүшелері барлық науқастарды рекомбинанттық препараттарға ауыстыруға қарсы екендіктерн білдірді. Өйткені бұл дәрі-дәрмектердің тиімділігі төмен және өте қымбат тұрады.