Ереванда ҰҚШҰ елдерінің қорғаныс министрлері кеңесінің отырысы өтеді

Алматы. 18 тамыз. "Қазақстан Бүгін" - Ереванда 21-22 тамызда ҰҚШҰ елдерінің қорғаныс министрлері кеңесінің отырысы өтеді, деп хабарлайды агенттік тілшісі ҚР Қорғаныс министрлігінің баспасөз қызметіне сілтеме жасап.

Баспасөз қызметінің ақпаратына сәйкес, кеңестің жиналысына ҚР қорғаныс министрі Даниал Ахметов, қорғаныс вице-министрі Болат Жаңасаев және оперативтік жоспарлау департаментінің бастығы подполковник Әлімов қатысады. Күн тәртібінде әскери құрылыс мәселесіне арналған 20 -дан астам мәселе қаралады. Сондай-ақ, 18 - 22 тамызда Арменияда ҰҚШҰ елдерінің "Шеп - 2008" командалық-штабтық оқу-жаттығуларының үшінші және төртінші кезеңдері өткізіледі. 1992 жылдың мамыр айында құрылған ҰҚШҰ-ына Армения, Беларусь, Қазақстан, Қырғызстан, Ресей, Тәжікстан және Өзбекстан мүше. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Әріптестер жаңалығы

Пікір қалдырыңыз