Жарияланды: 140

Ерке Есмахан Астанадағы Open Air туралы: Ресейлік әншілердің ерекше ештеңесі жоқ

Ерке Есмахан Астанадағы Open Air туралы: Ресейлік әншілердің ерекше ештеңесі жоқ

Кеше Астанада Қазақ елі монументі жанындағы алаңда қазақстандық және шетелдік жұлдыздардың қатысуымен Open Air шоуы өтті.

Бұл туралы әнші Ерке Есмахан журналистер сауалына жауап берді, деп хабарлайды Baq.kz тілшісі.

«Бүгінгі концерттің ерекшелігіне келер болсақ, ресейлік әншілердің ерекше байқалып тұрған ештеңесі де жоқ. Бүгін күн жақсы, ауа райы жақсы. Астанада ұйымдастырылатын Open Air концерттері өте жоғары дәрежеде өтеді. Әрқашан да қолдап, қалмай келіп жүремін», - деді ол.

Сондай-ақ әнші сұлулығының құпиясымен бөлісті. Оның айтуынша, сұлулық ешқандай келбетке байланысты емес.

«Адамның жаны сұлу болса, оның көзінен көрініп тұрады. Біреу сыртынан әдемі болуы мүмкін, бір-екі сөйлескеннен кейін қандай екенін көруге болады. Ал жас боп көріну үшін ештеңе істемеймін, өйткені мен өзім жаспын», - деп жауап берді әнші журналистердің сауалына.

Пікір қалдырыңыз

Пікір қалдыру тіркелген пайдаланушылар ғана мүмкін