ЕурАзЭҚ елдерінің мемлекетаралық инвестициялық банкін құру туралы келісім мамыр айында жасалады

ЕурАзЭҚ елдерінің мемлекетаралық инвестициялық банкін құру мәселесінің егжей-тегжейі туралы келісім мамыр айында жасалады. Бұл туралы бүгін, 24-наурызда ЕурАзЭҚ мемлекетаралық кеңесі отырысының қорытындысы бойынша өткізілген баспасөз мәслихатында РФ үкімет басшысы Михаил Фрадков мәлімдеді,- деп хабарлайды KZ-today тілшісі.

Ресей үкімет басшысының айтуынша, мемлекетаралық инвестициялық банк құру туралы бастама көтерген негізгі қатысушылар — Ресей мен Қазақстан болмақ. «Бұл банкті құруға қатысты нақты талап-шарттар, соның ішінде иемденетін үлес пен басшылық мәселелері талқылануы тиіс»,- деді М.Фрадков.

«Маусым айының басында өтеді деп межеленген ТМД экономикалық кеңесінің отырысында біз барлық ұсыныстарды сарапшылық деңгейде келісетін боламыз»,- деді ол.