Еурокомиссия қатерлі ісікке қарсы күрестегі жаңа тәсілдерді зерттеуге 1,5 млн еуро бөледі

Еуропалық комиссия қатерлі ісікті тоқтату әдістерін әзірлеп жатқан «өнеркәсіп доктораты» бағдарламасы бойынша медицина саласына қаржы бөлгенін мәлімдеді.


           Еуропалық «өнеркәсіп доктораты» – ғылыми мекемелер мен өнеркәсіп орындарының бірлескен жобасы.
           Жоба VAMPIRE («Vascular Antibody-Mediated Pharmaceutically Induced tumour Resection») деп аталады. Еурокомиссия оған 1,5 млн еуро бөліп отыр. Жоба Ұлыбританиядағы Бирмингем университетінде жүзеге асырылмақ.
           Бөлінген қаржы қатерлі ісіктің қан тамырларын жойып, оның таралуына жол бермейтін жаңа жасушаларды зерттеуге жұмсалуы тиіс.