Лондон. 25-ақпан. ИНТЕРФАКС – Дүниежүзілік денсаулық сақтау ұйымы халықтың салауатты өмір салтын ұстануға құлықсыздығы мен фаст-фуд тағамдарына әуестігі салдарынан жақын арада семіздік Еуропа үшін қалыпты жағдайға айналуы мүмкін деп ескертті. Бұл туралы сейсенбі күні британдық «Индепендент» басылымы хабарлады.
«Қазір семіз адамды көргенде мұны өзгеше құбылыс деп қабылдамаймыз. Біз болашақ ұрпақтың семіздікті қалыпты жағдай деп есептеуіне жол бермеуіміз керек», — дейді мамандар.
ДСҰ мәліметіне сүйенсек, семіздік әсіресе, Грекия, Португалия, Ирландия мен Испанияда етек жайған. Грекияда 11 жасар балалар арасындағы семіздік 33 пайызды, Португалияда 32, Испания мен Ирландияда 30 пайызды құрайды.