Бұл туралы ҚР Сыртқы iстер министрлiгiнiң баспасөз қызметiнен хабарлады.
Еске салайық, 7 қаңтар күнi таңертең белгiсiз бiреулер Charlie Hebdo журналы орналасқан ғимаратта атыс ұйымдастырды. Қанды қырғын кезiнде 12 адам көз жұмды, оның iшiнде сегiз тiлшi мен бiр полицей бар. БАҚ-тың хабарлауынша, 20-дан астам адам жапа шеккен. Шабуыл жасағандар оқиға орнынан iздерiн суытқан. Франция президентi Франсуа Олланд елде үш күн аза тұту жариялады.
Президент Нұрсұлтан Назарбаев Қазақстан халқының және жеке өзінің атынан қаза тапқандардың туған-туыстарына және барша Франция халқына көңiл айту жеделхатын жолдады.