Жарияланды: 310

Германия тұрғындары қолына Құран ұстады

Оснабрюк университеті жанынан Ислам теологиясы институты ашылды. Жаңа білім ордасы алдағы уақытта Мюнстердегі орталықпен тікелей байланыс орнатпақшы.

Осылайша Германия тұрғындары ислам дінін жан-жақты оқуға, таным-түсінігін қалыптастыруға мүмкіндік алды, деп жазады «Айқын» басылымы. Оснабрюкте биылғы қысқы се­местрде алғашқы 47 студент білім алып, мектептерде ислам негіздерін оқытуға атсалыспақшы. Олар лек­ция­лар мен семинарларда ислам тарихына қызығушылық танытып, араб тілін оқып, Құранды терең меңгеруге ден қою­да. Федеральды үкімет ислам орталы­ғына 20 миллион еуро бөліп, қасиетті дінімізді дамытуға назар аударып жатыр. Қазірдің өзінде Оснабрюк-Мюнстерден басқа үш жерде - Тю­бин­ген, Франкфурт-Гиссен және Эр­лан­ген-Нюрнбергте ислам діні бойынша дәрістер оқытылуда. Германияда мектептерде Құранды оқыту қолға алынысымен, осы салада оқытушыларға сұраныс көбейген. Мұны бірінші болып Солтүстік Рейн-Вестфаль федеральды өкіметі қол­ға алыпты. Бұл бастама басқа да федеральды өңірлерде қызу қолға алынып жатыр.

Пікір қалдырыңыз

Пікір қалдыру тіркелген пайдаланушылар ғана мүмкін