Жарияланды: 350

ИКҰ жанынан Адам құқықтары жөніндегі тәуелсіз комиссия құрылады

Ислам конференциясы ұйымы жанынан Адам құқықтары жөніндегі тәуелсіз комиссия құрылады.

Бұл туралы Астанада басталған Ислам конференциясы ұйымына мүше мемлекеттер Сыртқы істер министрлері кеңесінің 38-ші сессиясында Ұйымның Бас хатшысы Экмеледдин Ихсаноғлы мәлім етті. Ұйымның Бас хатшысы атап көрсеткендей, қазіргі кезде осы комиссияны құруға қажетті нақты іс-шаралар қолға алынып отыр. «Осыған орай сарапшылардың жұмысынан кейін біз арнайы жарғыны қабылдауды жоспарлап отырмыз. Бұл Ислам конференциясы ұйымы үшін тарихи сәт болмақ. Себебі оның қызметі жаңа саяси бағытта жүргізілетін болады. Осыны ескере отырып, мен ұйымға мүше барлық елдерді тисті құжаттарды тезірек рәсімдеуге шақырамын», - деді Э.Ихсаноғлы.

Пікір қалдырыңыз

Пікір қалдыру тіркелген пайдаланушылар ғана мүмкін