ІІМ Ішкі жасағының баспасөз қызметі таратқан бүгінгі хабарламаға сәйкес, кезекші жасаққа бала жоғалғаны туралы бағдар берілген.
Құрамына патруль басшысы Ернат Кенжебеков пен патрульдер Нұрлан Бейбітұлы мен Самат Күшкенов кірген әскери жасақ орталық қала көшелерінің бірінен баланы тауып алған. Бала ол жерге қалай барғаны белгісіз. Әскери қызметшілер тұрғын үй маңынан баланы жылап тұрған жерінен тауып алған. Бала аман есен ата-анасының қолына тапсырылған.
Қоғамдық тәртіпті күзету жөніндегі тапсырманы орындауда қырағылық танытқаны үшін әскери қызметшілер ынталандыруға ұсынылды.