Ауруханаға түскен Кентукки штатының тұрғыны Джеймс Вотеннің палатаға сүйікті иті Буббуды әкелуге рұқсат берілгеннен кейін беті бері қараған. Бұған дейін дәрігерлер қарттың денсаулығы неліктен төмендеп жатқандығын ажырата алмаған.
Жағдай зорға сөйлеп жатқан зейнеткер медбикеге сыбырлап, өз өтінішін жеткізгеннен кейін күрт өзгерді. Бұл өлім аузында жатқан жанның ақырғы тілегі екенін ұққан дәрігерлер оны орындауға ұйғарды.
Бұдан кейін нәр татпай жатқан пациент асқа ауыз тигізген.
Бір қызығы, иесі ауруханаға түскен күннен бастап ит те тамақ ішпеген көрінеді. Аурухана әкімшілігі Буббуды ұдайы палатаға кіргізіп тұруға рұқсат етіп отыр. Қарттың денсаулығы күн сайын жақсарып келеді. Тәбеті де жақсы.