«Бірінші тоқсанда қаржы полициясы органдарының бастамасымен 63 кәсіпкерлік нысан тексерілді. Бұл өткен жылдың осы уақытымен салыстырғанда 2 есе (133), 2012 жылдың бірінші тоқсанына қарағанда 7,6 есе (482), 2011 жылмен салыстырып қарағанда 9 есе (560) кем», — деп сейсенбі күні Экономикалық және жемқорлық қылмысқа қарсы күрес агенттігінің баспасөз қызметі хабарлады.
Қаржы полицейлері 2014 жылдың қаңтар-наурызы аралығында кәсіпкерлік субъекті қызметіне заңсыз араласу фактісі бойынша 76 қылмыстың бетін ашқан.
Аталған санаттағы 55 қылмыстық істі тергеу аяқталып, 54-і сотқа жөнелтілген. Жалпы, 56 лауазымды тұлға жауапқа тартылыпты.