Кең ауқымды антициклон Қазақстанға шуақты күн райын әкеледі - 25 қазанға арналған ауа райы болжамы

25 қазанда Қазақстанның басым бөлігінде кең ауқымды антициклонның ықпалымен шуақты күн райы күтілуде, деп хабарлайды Қазгидрометке сілтеме жасай отырып ТЖМ-нің баспасөз қызметінен.

Республиканың тек шығыс, батыс өңірлері және оңтүстік облыстарының жекелеген аудандары атмосфералық ағымдардың ықпалында болып, кейбір жерлерінде жауын-шашын (шығыста - қар), екпінді жел болуы мүмкін. Жамбыл, Оңтүстік Қазақстан, Қызылорда облыстарының бірқатар аудандарында жылдамдығы 15-20 м/с дейін жел соғады. Атырау және Қарағанды облыстарында түнде және таңертең кейбір жерлерде тұман түсуі ықтимал. Алдағы тәулікте Батыс Алтай өзендерінің басым бөлігінде су деңгейі көтерілуі мүмкін. Қазақстанның солтүстік облыстарындағы су нысандарында су бетінің одан әрі салқындауы байқалады.

Әріптестер жаңалығы

Пікір қалдырыңыз