Жарияланды: 510

Хайролла Оспановты өлтіруге тапсырыс беруші өз кінәсін толық мойнына алды - Маңғыстау облыстық ІІБ

"Маңғыстаумұнайгаз" ААҚ-ның салалық бөлімшесі болып табылатын "Oil transport corporation" ЖШС-нің директоры Хайролла Оспановты өлтіруге тапсырыс беруші өз кінәсін толық мойнына алды. Бұл туралы бүгін, 3-шілдеде Маңғыстау облыстық ІІБ-ның баспасөз қызметінен KZ-today тілшісіне хабарлады.

Полицияның мәліметтеріне жүгінсек, Хайролла Оспановты өлтіруге тапсырыс беруші - мемлекеттік "Нефтестрой" ЖШС-нің бұрынғы директорының ұлы Ержан Сағындықов болып шықты. Бұл ЖШС қайта құрудан кейін"Oil transport corporation" ЖШС-не біріктірілген көрінеді. Тұтқынның отбасы мүшелері түгелдей "Нефтестрой" ЖШС-де жұмыс істеген екен. Е.Сағындықов 30-маусымда Атырауда ұсталды. Қазір ол Ақтауға жеткізіліп, осындағы ІІБ-ның уақытша тергеу қапасында отыр. Сондай-ақ, полицияның хабарлауынша, таяу уақыттарда Х.Оспановты тапсырыспен өлтіруді ұйымдастырған Бахтияр Таймухаметов қамауға алынбақшы. Бұдан бұрын да хабарлағанымыздай, ол денсаулығын куәландыру мақсатымен облыстық психоневрологиялық диспансерге күзетпен айдалып келген жерінен қашып кеткен болатын. Тергеу мекемелерінің пайымдауынша ол кісі өліміне тапсырыс беруші мен оны атқарушы арасындағы делдал болуы мүмкін. Қазір облыстық Ішкі істер басқармасының қызметкерлері толық құраммен қылмыскерді ұстауға жұмылдырылып отыр.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть