Көкшетауда жаппай төбелес болып, үш кісі оқтан жараланды

Кеше кешкісін Көкшетау орталығындағы бұрынғы "Новинка" дүкенінің маңында жаппай төбелес кезінде үш ер адам оқ жарақатын алған. "Интерфакс-Қазақстан" агенттігіне Ақмола облыстық ауруханасының қабылдау бөлімі мәлімдегендей, оқ жарақатымен үш ер адам жеткізілген, олардың біреуінің жағдайы ауыр. Төбелес болған жер қоршауға алынып, облыстық прокуратура мен полиция өкілдері жұмыс істеуде.